「係蛋糕定係刨冰!?」渋谷区神山町「セバスチャン」

如果大家有試過夏天來日本旅行的話, 一定感受過日本夏天的威力.. 在2019年, 單是東京已在55天真夏日(即30度以上), 12天猛暑日(即35度以上). 所以刨冰是日本夏天最消暑的必食之選.

今次為大家介紹位於渋谷的刨冰人氣店 – Sebastian

店主憑獨創的刨冰蛋糕及刨冰crème brûlée 令Sebastian 成為刨冰人氣店之一.

店內面積比較細, 只有3張2人枱及櫃枱位, 每次都要排隊等候入座呢.

今次坐係櫃枱位, 可以近距離睇住店主整蛋糕的過程.

點了芒果白朱古力刨冰蛋糕.

外觀完全是一個5吋鮮果忌廉蛋糕！

切開時的手感比起切真正蛋糕很有反差, 是軟綿綿的, 很易切開.

刨冰蛋糕的外層是輕忌廉, 中間是綿綿冰, 綿綿冰混有新鮮芒果肉製的果醬及練乳.

此店是選用了日光的天然冰, 天然的綿綿冰加上輕忌廉, 入口即溶. 不會有食刨冰太凍而引發的頭痛.

中間的芒果鮮甜平衡了濃郁的練乳, 味道很清新~

是食刨冰的一個新體驗呢~

另, 此店會因應不同季節轉換蛋糕款式. 例如士多啤梨朱古力蛋糕, 聖誕的木頭蛋糕..等等

佢地表面係蛋糕, 其實佢地係刨冰.

除了刨冰蛋糕之外, 亦有傳統刨冰的呢～

佢地表面是刨冰, 其實佢地真係刨冰!!

下一次來日本旅行時, 可以到渋谷的Sebastian試一試刨冰蛋糕的新體驗~

店名: セバスチャン (Sebastian)

地址: 東京都渋谷区神山町7–15 102

電話: 03–5738–5740

営業時間: 星期二至日: 11時～18時

定休日: 星期五